સરકારે ઘઉંને લઈને એક મોટો નિર્ણય લીધો છે, 25 વર્ષમાં પહેલીવાર ઘઉંને લઈને સરકાર દ્વારા આવું પગલું લેવામાં આવ્યું છે. 15 વર્ષમાં પ્રથમ વખત, સરકારે સોમવારે ઘઉંના વધતા ભાવને રોકવા માટે માર્ચ 2024 સુધી તાત્કાલિક અસરથી ઘઉં પર સ્ટોક મર્યાદા લાદી હતી. સરકારે ઓપન માર્કેટ સેલ સ્કીમ (OMSS) હેઠળ પ્રથમ તબક્કામાં કેન્દ્રીય પૂલમાંથી જથ્થાબંધ ગ્રાહકો અને વેપારીઓને 1.5 મિલિયન ટન ઘઉં વેચવાનું પણ નક્કી કર્યું છે.
આ ‘સ્ટોક મર્યાદા’ 31 માર્ચ, 2024 સુધી વેપારીઓ, જથ્થાબંધ વેપારી, છૂટક વિક્રેતાઓ, મોટા રિટેલ ચેઇન વિક્રેતાઓ અને પ્રોસેસર્સ પર લાદવામાં આવી છે.
ઘઉં પરની આયાત ડ્યૂટી ઘટાડવા અંગે સચિવે જણાવ્યું હતું કે દેશમાં પૂરતો પુરવઠો હોવાથી નીતિમાં ફેરફાર કરવાની કોઈ યોજના નથી. તેમણે સ્પષ્ટ કર્યું કે ઘઉંની નિકાસ પરનો પ્રતિબંધ પણ ચાલુ રહેશે. તેમણે કહ્યું છે કે દેશમાં ઘઉંનો પૂરતો સ્ટોક છે. ખેડૂતો અને વેપારીઓ પાસે સ્ટોક છે અને કેટલાક અસામાજિક તત્વો પાસે પણ સ્ટોક છે. અમે આયાત વિશે વિચારી રહ્યા નથી કારણ કે દેશમાં ઘઉંની કોઈ અછત નથી.
તેમણે કહ્યું કે ઘઉં ઉપરાંત, સરકારે OMSS હેઠળ ચોખા પણ શરૂ કરવાનો નિર્ણય લીધો છે અને તેનું પ્રમાણ પછીથી નક્કી કરવામાં આવશે. અધિકારીએ એમ પણ કહ્યું કે ખાંડની વધુ નિકાસને મંજૂરી આપવાની કોઈ દરખાસ્ત નથી.
